Winter Me Bijli Bill Kaise Kam Kare? 7 Smart Tips Jo Har Ghar Ke Liye Zaroori Hai
Sardi ke mausam me heater, geyser aur extra lights ke use se bijli bill achanak badh jata hai.
Bahut se log ye sochte hain ki winter me bill kam aayega, lekin reality iska ulta hoti hai.
Main ek trained electrical technician hoon aur apne experience me maine dekha hai ki thodi si smart planning se winter ka bijli bill kaafi kam kiya ja sakta hai.
Is article me hum jaanenge 7 practical aur safe tips jo har ghar ke kaam aayengi.
1️⃣ Room Heater Ka Sahi Istemal Kare
Room heater sabse zyada bijli khane wala appli
ance hota hai
.✅ Kya kare:
Heater ko sirf zarurat ke time chalayen
Puri raat heater on na rakhen
Timer ya auto cut-off wala heater use kare
❌ Galti:
Band kamre me heater chala kar sona
Heater ke paas kapde rakhna
👉 Galat use se bill bhi badhta hai aur safety risk bhi hota hai.
2️⃣ Geyser Ko 24 Ghante ON Na Rakhen
Bahut log geyser ko pura din ON chhod dete hain — ye sabse badi galti hai.
✅ Smart Tip:
Geyser ko nahane se 15–20 minute pehle ON kare
Thermostat temperature 50–60°C par rakhe
👉 Isse bijli bhi bachegi aur geyser safe bhi rahega.
Winter me bijli bill kam rakhne ke liye 5-star rating aur energy efficient geyser choose karna sabse smart option hota hai, jiska comparison neeche diya gaya hai.
3️⃣ LED Lights Ka Use Kare
Agar abhi bhi CFL ya bulb use kar rahe ho, to bill high aana normal hai. Aaj ke time me bhi maine kuch logon ko 100 watt bulb ya CFL lga ke rakhte hai.
✅ Solution:
Sabhi rooms me LED lights lagwaye
LED 80–90% kam bijli khati hai
👉 Ek baar ka kharcha, saalon ki saving.
4️⃣ Extension Board Aur Cheap Plug Se Bache
Sardi me heater + geyser + iron ek hi extension me lagana bahut common mistake hai.
❌ Nuksan:
Power loss hota hai
Wire garam hoti hai
Fire ka risk + extra bill
✅ Tip:
High-load appliance ke liye direct wall socket use kare aur jis bhi Socket me lga rhe ho us Socket ki rating 16 amp se kam nhi honi chahiye.
ISI mark extension hi use kare
5️⃣ Inverter + Heater Ek Sath Chalane Se Bache
Inverter par heater chalana:
Battery ko damage karta hai
Bijli loss badhata hai
Bill indirectly zyada aata hai
👉 Heater hamesha direct main supply par hi chalaye.
6️⃣ Ghar Ki Wiring Aur Earthing Check Karwaye
Loose wiring aur poor earthing se:
Leakage current hota hai
Bijli waste hoti hai
Bill bina wajah badhta hai
✅ Solution:
Saal me kam se kam ek baar wiring check karwaye
Ghar me RCCB zarur lagwaye
👉 RCCB safety ke sath-sath power leakage bhi detect karti hai.
7️⃣ Extra Appliances Ka Use Kam Kare
Sardi me:
Electric kettle
Room blower
Rod heater
in sab ka overuse bill ko double kar deta hai.
✅ Smart habit:
Kaam na ho to appliance plug se hi nikal de
Standby power waste se bache.
⚠️ Winter Special Warning
Sardi me zyada appliances ek sath chalane se:
Meter fast ghoomta hai.
Wire overheat hoti hai.
Fire aur shock ka risk badhta hai.
✅ Conclusion
Winter me bijli bill badhna normal nahi, balki galat use ka result hota hai.
Agar aap upar diye gaye 7 smart tips follow karte ho, to aap safety ke sath-sath achhi saving bhi kar sakte ho.
Bijli bachana sirf paisa nahi, safety bhi bachata hai.
❓ FAQ
Q. Kya winter me bijli bill summer se zyada aa sakta hai?
Haan, agar heater aur geyser ka galat use ho to winter bill zyada aa sakta hai.
Q. Heater ka daily use kitna mehenga padta hai?
1–2 kW heater roz 5–6 ghante chalane par bill kaafi badha sakta hai.
🔧 Expert Tip
Agar aap chahte hain ki aapke ghar me bijli safe aur efficient rahe,
to hamesha qualified electrician se hi wiring aur safety devices lagwaye.
Tags:
Electrical Knowledge
